MALİYYƏ AUDİTİ XİDMƏTİ
Maliyyə hesabatlarınızın auditi şirkətinizin diqqət mərkəzində olduğunu hiss etdirsə də, bu proses maraqlı tərəfləri (investorları, inzibati orqanları və s.) rəhbərliyin biznesin maliyyə vəziyyəti ilə bağlı “düzgün və ədalətli” baxışını təmin etdiyinə əmin etmək məqsədi daşıyır. Bu, şirkətin maliyyə proseslərinin fırıldaqçılıq riskini minimuma endirmək üçün yüksək səviyyədə olduğunu və mühasibat sənədlərinizin hər hansı maliyyə göstəricilərini ört-basdır etmədiyini təsdiqləyir. Bununla belə, onu da qeyd etmək vacibdir ki, maliyyə hesabatlarının auditi təkmilləşdirilə bilən nəzarət vasitələri və ya prosesləri müəyyən etməklə biznesə dəyər qata bilər və bununla da biznesinizin keyfiyyətini yüksəldə bilər..
Maliyyə hesabatlarının auditinin bir neçə əsas məqsədi var:
- Maliyyə hesabatlarının əhəmiyyətli dərəcədə düzgün və tam olub-olmadığını və müvafiq çərçivəyə uyğun təqdim edilib-edilmədiyini qiymətləndirmək
- Şirkətdə saxtakarlığı aşkar etmək
- Müəssisənin rəqabətədavamlı müəssisə olaraq qalıb-qalmayacağını, yəni fəaliyyətini davam etdirib-etdirməyəcəyini qiymətləndirmək
Maliyyə hesabatlarının auditi dövlət və özəl şirkətlərdə fərqlənə bilər. Müəssisənin miqyasından asılı olmayaraq, bütün şirkətlər maliyyə hesabatları hazırlayır. Buna baxmayaraq, daha böyük dövlət müəssisələrinin auditi daha çətin olur və daha çox istifadəçi tərəfindən istifadə olunur. Bundan başqa, maliyyə hesabatlarını hazırlayarkən dövlət şirkətlərinin riayət etməli olduğu əlavə hüquqi tələblər ola bilər.
Maliyyə hesabatlarının auditi 4 vacib mərhələdən ibarətdir:
- Razılaşma-İşi yerinə yetirməzdən əvvəl auditorlar əsas şərtləri və müddəaları öz müştəriləri ilə müzakirə etməlidirlər. Auditorlar həmçinin, müəssisənin auditin öhdəsindən gəlib-gəlməyəcəyini görmək üçün bu mərhələdə təhlilöncəsi yoxlama aparmalı və müştərini lazımi şəkildə araşdırmalıdır.
- Planlaşdırma-Audit prosesinin planlaşdırılması vacibdir. Bu mərhələdə auditor tətbiq ediləcək audit yanaşmasını seçə bilər, resurslar ayıra bilər və müştəri mühitini, müştərinin daxili nəzarət sistemini başa düşə bilər.
- İcra-İcra mərhələsində şirkətin auditi həyata keçirilir. Audit prosesinin başlamasından əvvəl audit ilə bağlı bütün müvafiq məlumatlar auditora təqdim edilir. Auditorlar müştərinin anbarında saxlanılan inventarları yoxlaya və inventarların illik sayım prosesində iştirak edə bilərlər.
- Hesabatvermə-Hesabatvermə audit prosesinin sonuncu mərhələsidir. Bu mərhələdə, auditorlar özlərinin audit müşahidələrini və audit nəticələrini əks etdirən hesabat hazırlayırlar.